Kacamata Tambus Pandang

Anang tulak ka toko kaca mata...
Panjual : cari kaca mata napa? minus, positif atawa tambus pandang?

Mandangar kaca mata tambus pandang, Anang pun batakun...

Anang : bujuran ada kah pian bajual kaca mata tambus pandang?
Panjual : ada'ai (sambil ma ungkai'akan)

Anang pun mantes mamakainya... Samunyaan urang nang di itihnya batilanjang bulat.
Imbah di lapas Anang kaca mata tadi, samunyaan urang tabulik bapakaian langkap.
Lalu dipakainya pulang samunyaan, urang batilanjang...
"Mantaapp anjayyy" jar Anang kahimungan, sambil kurihing-kurihing ditukari Anang kaca mata ngitu.

Anang pun bulik tuju rumah sambil mamakai kacamata ajaib nitu handak manampai'akan wan bini nya si Enor...
Masuk karumah, si Enor kadida diruang tamu..
Lalu Anang ka kamar, malihat bini nya Enor lagi batilanjang bulat wan tukang ledeng langganannya.
Anang pun mamacul kacamata nitu, tapi Enor wan tukang ledeng tadi masih tatap batilanjang.
Dipakai Anang lagi kacamatanya imbahtu dipaculnya, dipakainya dipaculnya, taga kaduduanya tatap batilanjang!

Sambil manyanyarik saurangan Anang baucap, '"sialaann!!! kacamata sing-larangan kayangini hancap banar rusaknya... (sambil manawak'akan katawing)."