Dapat Undian Hadiah Mutur (Mobil)

Amat, Udin wan Abah Ijum lagi asik duduk bakumpulan , kada lawas datang Utuh...

Utuh : ui buhannya... (managur)

Abah Ijum : wuuiiih pina himung banar kawan nah...
Utuh : himung pang, taga bingung... mun dapat hadiah mutur taga kada bisa manyupir...
Amat : bujurankah tuh? mantap tu... aku umpat kaina tuh lah... (langsung umpat bakajal pandir)
Udin : aku umpat jua tuh, kita bacari gandak...

Abah Ijum : aku pang dibawa lah tuh? handak jua dapat gandak...(pina maras)
Utuh : nah tahuam...
Amat : beuh payu jua kah masih...(mahapak)
Udin : jangan tuh'ai, kaina dikira binian kita bajalanan mambawa kai...
Abah Ijum : bungulnya buhan ikam nih kada mambawaku! ampun mutur kada...
Amat : katuhaan hudah bus'ai... (mahapak pulang)
Udin : kada cucuk lagi umpat mejeng, nang cucuk jadi paurutan haja pian... (magin maurahakan)

Abah Ijum : magin dilihatakan maginnya kakanak ni lah.... (Balaluam mangacak ka gulu baju Amat wan Udin) tapaaww manampar! bagudar sing caruk... Utuh bingung handak mahalat,,,

Utuh : hudah hudah... nangapa nang dirabutakan...
Abah Ijum : ikam malawanakan buhannya ni kah tuh...!?! (plakk! manyipak kapakakas Utuh) kujul-kujul Utuh langsung umpat bagudar ba'ampat bacaruk...

Kada lawas datangan Pa RT wan warga mahalat...
Pa RT : uuii ampihan... kanapa buhan ikam ni bakalahian? papadaan bahantup, cuba jalasakan pang nangapa tih masalahnya...?
Amat : haduuuh sakit talingaku di igut Abah Ijum... kaini nah Pa RT'ai, Abah Ijum handak umpat kami bamutur, taga kami kada handak mambawa sarik... (kilip-kilip banyu mata parak managis)
Udin : hi'ih Pa RT'ai... ujar kami katuhaan hudah, balalu'ai manggudar, timbul bajuku rabitan nah di ruhutnya..
Abah Ijum : hudah kada mambawa, manyambatiku Pa RT'ai... napa ada pada ku hamburakan ha lagi...
Utuh : hungang banar Abah Ijum nih, pakakasku disipaknya... ngilu nah dapatnya...(bapusut kabuku)

Pa RT : umpat bamutur siapa gerang...?
Abah Ijum : Utuh dapat hadiah mutur, Amat wan Udin handak umpatan, sakalinya aku kada dibawainya...
Pa RT : dapat hadiah napa ikam tuh...?
Utuh : ulun umpat undian, hadiahnya mutur diundi bulan kaina pang, balum tantu dapat jua pang lagi...
Amat : (takalipik) beuh... ujar ikam hudah dapat tuh...!?!
Utuh : jarku mun dapat, balum tuntung bakisah hudah bagudar buhan ikam...
Udin : dasar hungang lalu, bajuku maka habis rabitan... nang diumpati kadada bandanya...
Abah Ijum : asli pagat lalu, jaka bapadah dmatan tadi ikam ni tuh'ai... masak aku disambati buhan amat, sampai sakitan awak bagudar... nang dirabutakan kadada bandanya...
Pa RT : dasar sarap baisi warga, bapikir pakai cupu batis lalu mauk, lajui bajauhan... !
Utuh : aku disalahakan, balum tuntung bapandir hudah bagudar...

# Kajadian mamagat pandiran urang, tabalik camuh barataan... #