Banyu Suci 4 Shaolin Banjar

4 urang shaolin.. Utuh, Udin, Amat wan Anang, malam tadi dibulihakan gasan tulak bamalam mingguan lih guru biksu, taga musti malaporakan napa haja nang digawinya..

# kaisukannya...

Utuh : biksu, sumalam ulun hudah bedosa maraga manuntun pelem wik-wik nang kada sapantasnya ulun tuntun.
biksu : dosa ikam hudah diampuni maraga ikam hudah mangaku. nah kinum banyu suci ngini 2 cangkir..
(kada banyak pandir langsung dikinum Utuh 2 cangkir langsung habis)
Anang nang baris dipambalakangan, kurihing-kurihing jihi-jihi..

Udin : biksu, sumalam ulun hudah bedosa maraga ulun kada hahati mambawa kandaraan, timbul marampak kucing sampai mati.
biksu : dosa ikam hudah diampuni maraga ikam hudah mangaku. nah kinum banyu suci ngini 3 cangkir..
(langsung sa'angkatan habis 3 cangkir dikinum Udin)
Anang kurihing pulang sambil mangikik ma'arit handak tatawa..

Amat : biksu, sumalam ulun hudah bedosa maraga singhaja mahintip binian mandi di pambatangan.
biksu : dosa ikam hudah diampuni maraga ikam hudah mangaku. nah kinum banyu suci ngini 5 cangkir..
(kada basuara lagi langsung dituntum Amat 5 cangkir lingaiii)
Anang kada tahan lagi, lalu tatawa saling nyaringan..

biksu : napa ikam jadi tatawa damintu? napa nang ikam gawi samalam!?!
Anang : ampun maap biksu, sumalam ulun bakamih di andakan banyu suci nitu......
biksu : hahhhh...?!?

Utuh, Udin wan Amat, kada banyak pandir lagi langsung siup..

Obat Mincrit matan Duktur

Takisah si Amat nang hudah bahahari sakit parut, satumat-satumat bukah ka jamban, bahanu kada sawat manjapai Lawang jamban hudah tacirit disalawar...

 Katuhukan, lalu Amat mamutusakan tulak ka duktur handak bapariksa batatamba...
Amat : Tuk..tuk..tuk..tuk.. (mangatuk lawang pakai kapala, marga tangan manguti parut)

Duktur : Uhh kanapa Tuh, ada masalah napa datang kasini?
Oyoks : Anu duk, parut ulun nih rancak sakit..
Duktur : Uhh cuba pang sini ku pariksa'akan..

Lalu Duktur cuba mamariksa'akan...

Imbah mamariksa, lalu dipadahakan lih Duktur panyakitnya... langsung Duktur mambari ubatnya gasan Amat...

Duktur : Nih ubat musti dimasukakan liwat luang burit ikam... wayahini biar aku haja gin hulu nang mamasukakannya ka luang burit ikam...

Duktur pun lalu manyuruh Amat batungging, langsung dimasukakan ubat ngitu ka luang burit Amat. pas hudah tuntung, Duktur manjulungi ubatnya lagi wan Amat gasan malam...

 Pas hudah malam dirumah, Amat handak mamasukakan ubat ngitu pulang ka luang buritnya. Marga marasa ngalih mamasukakannya, paksa Amat manyuruh bininya sagan mamasukkaan ubat ngitu.. .

Amat : Ding, tulung nah masukakan ubat nih ka luang burit ulun...
Bini Amat : Sini ulun mamasukakannya, pian batungging ha dulu...
Amat pun batungging...

 

Tangan kiwa bininya Amat bapingkut dibahu Amat gasan manahan pusisi,,,

Tangan kanan gasan mamasukakan ubatnya ka luang burit Amat...
 

Kada sa'apa Amat ni langsung bakuciak, ''Waduuuuhhhhh siaaallaaaannnn...!!!''
 

Bini Amat : Kanapa? Sakit kah yank?
Amat : Kada sakit ding'ai, tapiii...
Bini Amat : Tapi napaaa?
Amat : Ulun hanyar sadar kalo tadi Duktur mamasukakan ubat ngini ka luang burit ulun, kadua balah tangannya bakuti dibahu ulun...

Jaaahhhh... artinya? pikirakan saurang...

Muntung Palayan Diskutik

Aluh tulak ka Jakarta!! Lawas bagana disana, pargaulan nya jadi kada karuan!!
Tapi nang anehnya kada bisa bahasa Indunisia!
Jadi pas malam, Aluh tulak ka diskutik... babaju tank tup, salawar handap, burit ganal, balahan dada kalihatan!
Pas hudah masuk... ada palayan diskutik nang bangaran Utuh...

Utuh : mau pesan apa Mba?
Aluh : ikam bisa kada bahasa banjar? 

Utuh : uuuhhh.....bisa banar ulun!
Aluh : pasan minuman pang nah?

Utuh : minuman napa?

Aluh : es teh...
Utuh : ???.....(kadiskutik mamasan es teh, jar Utuh damhati)

Dijulungi Utuh.... langsung di minum Aluh!

Imbahtu Aluh bukah ka WC handak bakamih! Pas sudah tuntung bakamih, Aluh langsung mandatangi Utuh!
 

Aluh : bos ikam mana? (sambil baparak)
Utuh : kadida....
Aluh : siapa ngaran bos ikam? (tangan sambil mahahar pipi Utuh)
Utuh : ba ba bambang....(pina gugup)

Aluh baparak pulang....

Aluh : kada kasini kah bos ikam? (suara mandasah, jariji talunjuk sambil mahahar muntung Utuh)
Utuh : eeemm....kaina kasini'ai... (pina tarangsang)
Aluh : jam barapa inya kasini? (mamasukakan talunjuk ka muntung Utuh)
Utuh : eemmm....(sambil maisap) satumat lagi datang'ai...
 

Capp,,, Langsung di cabut Aluh tangan nya matan muntung Utuh!

Lalu Aluh baucap...
Aluh : padahi bos ikam, suruh mambaiki wc! wc nya PAMPAN, mana banyu nya kada jalan! Untung ada muntung ikam!

Surat Cinta Aluh gasan Utuh

Utuh mangirim surat cinta gasan pujaan hatinya si Aluh.. Kada lawas, Aluh mambalasi surat cintanya Utuh ngitu..

Ini nah surat balasan matan Aluh, baca ha bubujur surat ngini...

1. Cinta nang uLun miliki lawan pian
2. Kini telah hilang, ulun sudah kada manyukai pian lagi, dan kabancian ulun itu
3. Samakin tumbuh dan ulun marasakannya saban hari, jika ulun batamu lawan pian,
4. Ulun kada manyukai apapun dari pian
5. Satu-satunya nang handak ulun lakukan adalah
6. Mancari lakian Lain. Ulun kada akan handak
7. Manikah lawan pian, partamuan terakhir kita
8. Mambusankan banar dan mamuakkan dan kada
9. Manggairahkan ulun untuk batamu lagi lawan pian.
10. Pian hanya bapikir tentang diri pian saurang haja.
11. Jika kita manikah, ulun tahu bahwa ulun akan mandapatkan
12. Kahidupan nang sangat mambusankan, dan ulun kada akan mamiliki
13. Kasanangan hidup barsama pian. ulun baisi hati
14. Gasan ulun barikan lawan sasaurang, tapi itu bukan lagi sasuatu
15. Nang handak ulun barikan lawan pian, kada ada urang nang labih
16. Bungul dan iguis dibanding diri pian, dan pian kada
17. Dapat mambarikan parhatian dan kaindahan cinta bagi ulun,
18. Ulun sajujurnya handak supaya pian mangarti bahwa
19. Ulun mangatakan ini nang sabujurannya, pian akan mambari ulun katanangan jika
20. Pian bapikir dan mangarti ini nang tarakhir, jangan pernah mancuba
21. Pian manjawab surat ini, surat pian ini penuh dengan
22. Hal hal dan kalimat sampah nang mambusankan ulun, pian kada mamiliki
23. Kalimat indah dan cinta sejati nang ulun dambakan, parcayalah lawan ulun,
24. Ulun kada paduli lagi lawan pian, jadi jangan pian pernah barpikir lagi
25. Bahwa ulun akan manikah lawan pian
=>

Sungguh sadih hati Utuh setelah mambaca surat balasan dari Aluh itu..
Utuh manangis saharian samalaman dan bapikir handak bunuh diri haja..
Tapi kaisukan harinya, si Aluh manalipun Utuh, dan manyuruh Utuh supaya mambaca kalimat banumur GANJIL haja.

Jaaahhhh...

Tawar Separo

Takisah urang udik handak tulak ka kota, ngarannya Utuh...
Abahnya Utuh nih bapasan.

Abah : Tuh... Bila ikam tulak ka kota kaina, hati-hati ikam mun handak batutukar barang atawa baju-salawar... Marga dikota urang ma'andak haraga larang-larang, jadi ikam musti manawar separo.. kalo parlu labih dari separo!!!"
Utuh : inggih bah'ai.. Ulun kada bataha tatipu.. biar kada suah ka kota, ulun mangarti haja
Abah : Ingatakan lah... Tawar separo tarus...
Utuh : Hi'ih hah..!! Urang gin tahuai...!!

Tulak'ai Utuh ka kota Banjarmasin... Sampai ka Banjar parut lapar, lalu singgah ka warung makan..

Utuh : Cil.. Barapa nasi sapiring...?
Acil : 5.000 an
Utuh : 2.500 haja gin lah...?
Acil : Uuuu...uuu...uuu.., Kada kawa.. kada bisa.. barugian kami...
Bajauh'ai Utuh kada jadi makan...

Imbahtu batakun pulang Utuh ka warung subalah... Ditawarnya pulang separo... Kada mau jua urang..
Tapaksa Utuh manahan lapar...
"Biar mati kalaparan aku kada pacanghakun makan... Tiwas kada hakun ditawar!!!", jar Utuh sambil bajalan kapasar handak manukar baju.

Pilih-pilih baju lalu batakun haraganya...
Utuh : Mang.. Baju ngini barapaan haraganya mang..?
Amang : Nangitu kah.. 50ribu..!!
Utuh : Salawi ribu haja mang lah..?
Amang : Uuu.. Kada kawa salawi ribu, lamun ikam handak jua maraha 45 ribu
Utuh : Dua puluh dua setangah haja lah..?
Amang : Aii..kanapa baturun manawar..? Tadi salawi ribu, kaya ini haja nah.. Bayari ha 40ribu
Utuh : 20ribu haja lah..!!
Amang : "Naaahh, kanapa pulang maka baturun manawar.? Ikam ni manawarkah mambawai bakalahi kah..?!
Utuh : "kada.. Ulun kada wani bakalahi, ulun ingat pasan abah banar'ai.. Ujar sidin tawar saparu
Amang : (mandam si padagang,lalu mancari akal) "Uuu.. Kaya itu kah.. Ayuja aku maandak haraga baju ini lah supaya ba akuran,, saratus ribu..!!
Utuh : Lima puluh ribu haja lah..?
Amang : Ambil ha, barapa lambar handak..?
Utuh : Dua lambar barapa..?
Amang : 2 lambar saratus ribu
Utuh : Lima puluh ribu haja gin lah..?
Amang : "Muyakkk.. Urang gila sakalinya.. Bajauh gin nyawa..!!