Maluncati Got wan Gaguling

Anang wan Enor bulik kampung naik sapida mutur badua, lagi asik di jalan, bakajutan saput-tangan Enor gugur ka subarang got. Anang pun langsung maluncati got meambil akan saput-tangan Enor. Lalu batarus pulang malanjut akan parjalanan.

Pas ditangah jalan ari sanja wan hujan labat, tapaksa umpat betaduh di rumah urang kampung. Maraga hujan kada taduh-taduh jua, buhan nya umpat bamalam di rumah urang tutih, ampun nya rumah hakun ai manampung.

Ampun rumah : "Maaf nah kamar nya sabuahannya".

Anang & Enor : "Kadapapa Cil ai, ini gin kami batarima kasih banaarr, sudah di bulihakan bamalam".

Ampun rumah : "Bahubung buhan ikam ni lain dua-laki bini, jadi guring nya di halat Guguling lah.."

Anang & Enor : "Inggih".

(imbahnya guringan ai, janak guring sampai subuh).

Subuhnya Anang wan Enor bulik manarusakan parjalanan, taga Enor marangut tarus wan jua hinip kada sing-pandiran.

(Anang pun bingung, lalu batakun..).

Anang : "ding, napa pian marangut tarus".

Enor : (masam muha). "Ulun kada manyangka! pian yang liwar wani nya maluncati Got pas ma ambilakan saput-tangan ulun kamarian sumalam. Tapi, malam tadi.. maluncati Guguling haja kada kawa.."